प्रश्न - उत्तर

सकाळच्या

कोवळ्या लख्ख 

चमचमत्या सूर्यप्रकाशात 

मी न्हाऊन निघाले.. 

प्रसन्न मनाने हळूच 

सृष्टी कर्त्याला विचारले 

“ का रे असे जग निर्माण केले ?

एकीकडे आहे 

प्रकाशित पायवाट

प्रसन्नतेने नटलेली... 

तर दुसरी कडे आहे 

एकाकी पायवाट

काळोखात बुडालेली...”

हळूच तो हसला…

म्हणाला,

“अगं, पायवाट आहे तीच 

पण ठेवायची काळोखात 

की लख्ख मिणमिणत्या दिव्यांनी 

उजळवायची प्रकाशात 

हे तर आहे 

तुझ्याच हातात...

बघ जमतय का..”

विठ्ठल

 

नाही वारी

नाही पंढरी

विठ्ठल बसला

द्वार लावूनी

उघड विठुराया

द्वार आपुले

मागणे मागतो

काकुळतीने

का रूसलासी

सांग आता

धाव पाव

सत्वरिता

चुकलो आम्ही

तुझी लेकरे

सांभाळूनी घे

आम्हा देवा

आहे तू

भक्तीचा भुकेला

आम्ही भुललो

पांडुरंगा

काळे सुंदर

रूप तुझे

जगी पाहतो

तुझीच रुपे

रुक्मिणी सवे

ये लवकरी

असु दे माया

आम्हावरी

विठ्ठला तू

वेडा कुंभार

मनी प्रेम हे

अपरंपार...

-आसावरी समीर

प्रकाश

चांदण्यांच्या प्रकाशात

दारी आला देव

म्हणाला

चलतेस का प्रकाशात

की तुला नाही वेळ...

त्रासून मी म्हणाले

देवा..

काम एवढे पूर्ण झाले 

तर काढते थोडा वेळ..

तुझाच व्याप..तुझाच पसारा

आवरता आवरता

जीव होई थोडा

हसून म्हणाला देव;

अग खुळे,

प्रकाश आहे जीवन 

प्रकाश आहे  स्फुरण

प्रकाश आहे प्रसन्न हृदय 

आणि प्रकाशच आहे सुंदर मन

प्रकाशाच्या सान्निध्यातच

करू शकतेस काम

आणि मग होईल तुझे फिरून

चारही धाम...

Prayer

The day and the night

Seem to be passing along

At a lightning speed

Where are you

In all these days

The lap of the nature

Is calling you everyday

Don’t live in your own shell

Break up the cocoon

And be a butterfly

In this colorful world

Live each moment

Breath each moment

Taking all the essence

Feeling HIS presence all around you

Just check

May be a miracle is in the corner

Waiting to creep into your life

Somebody up there will shower

All his blessing on you…

Is he up??

Up in the heaven..

Or is he just here..

Inside you…

Realize him..find him..

In some or other way..

May you feel HIS presence

Around you..

Just be still..

Just be calm

Just be cool

Oh Thee…you are here

And I found you

And I found you

And I found you!!!

मायबाप

तृषार्त असा मी

एक वाटसरू...

तृषार्तांसाठी

जलदाता तू...

भुकेलेला मी

एक पांथस्थ...

भुकेलेल्यानसाठी

अन्नदाता तू...

‘मी’ कोण म्हणुनी काय पुसतासी?

मी एक तहानलेला भुकेलेला

पांथस्थ...वाटसरू...

‘तू’ कोण म्हणुनी काय पुसू?

तू आहेसच

जलदाता, अन्नदाता, जीवनदाता..

लेकरांचा सांभाळ करणारा ‘मायबाप’