प्लास्टिक नावाचा भस्मासुर
एकदा पृथ्वीवर आला
बघता बघता त्याने
हाहाकार केला
प्राण्यांच्या जीवाचे
झाले हाल
पोटात प्लास्टिकचे
गोळे हजार
शांत समुद्र
पार वैतागला
निळ्याशार पाण्यावर
तवंग साचला
एकही जागा
उरली नाही
जेथे प्लास्टिक चा
शिरकाव नाही
पृथ्वी म्हणाली मानवांनो
जागे व्हा जरा
ह्या भस्मासुराला
नेस्तनाबूद करा
प्रत्येक वस्तू
प्लास्टिक च्या
वेसणात घालू नका
माझा अंत पाहू नका
Reduce Reuse Recycle
ची शपथ घ्या
Single use प्लास्टिक
बंद करा
माझ्या लेकरानो
हा भस्मासुर आहे खरा
कदाचित तिसरे महायुद्ध
आलय तुमच्या दारा...
