आशेचा किनारा

निसर्ग असा गप्प का?
वारा असा उदास का?
ग्रीष्म आग ओकतो
म्हणुन का असे शुष्क व्हायचे?
जेीवनाला कंटाळुन
जीवनगाणेच विसरुन जायचे...?
विसरायचे नाही
ग्रीष्म आहे म्हणुनच येतात जलधारा
संकटाच्या समुद्रालाही आहे 'आशेचा किनारा'
हा तरुसुद्धा सुर्याची आग झेलतो आहे
पण सुर्यच आहे जीवनदाता
पुर्णपणे जाणतो आहे
आपले कधी आपले वैरी होतिल का?
कितीही रागावले तरी
आपल्याला सोडुन जातिल का?
सूर्यसुद्धा जातो सोडुन आपल्याला
पण तेही सुद्धा पुन्हा परतायला
परतीच्या वाटा कधीही बंद होत नाही
आपलीच सावली आपल्याला सोडत नाही...