गुलाबी प्रेम

नवरा म्हणाला एकदा

चल बाहेर जाऊ

पाणीपुरी खाऊ

रानावनात भटकून येऊ...

मी म्हणाले हसून

तुला बरे आहे ना?

भलत्या रंगात

दिसतो आहे आज...

तो म्हणाला हसून

नेहमीच मी रंगात असतो

तुझ्याच गुलाबी प्रेमाच्या

साबणाने अंघोळ करतो...

मी म्हटले फटकारून

असे कधी म्हटले

तुझ्यावर मी प्रेम करते

तुला मात्र उगीच असे वाटते

तो जवळ येऊन म्हणतो

शब्दांनी तर आपले

भांडणच होते

प्रेम हे करायचे असते

बोलून दाखवायचे नसते...

विरघळून मी जाता

पटकन एक

पाणीपुरी भरते...