प्राणी

कोल्होबा बिल्होबा

आहेत मोठे शहाणे

द्राक्षांच्या मळ्यात

खात आहेत दाणे

चिमणी बिमणी

गाते आहे गाणी

तिचे गाणे ऐकून

डोळ्यात आले पाणी

ससोबा बिसोबा

टुणटुण धावतात

कासवाला म्हणे

हे मागे टाकतात

माकड बिकड

आहेत मोठे हुशार

त्यांना टोप्या घालणे

कठीण आहे फार

वाघोबा बिघोबा

जंगलाचे राजे

त्यांच्या इशाऱ्यावर

प्रजा नाचे

असे हे प्राणी

त्यांचे जग निराळे

 जगू द्या त्यांना

मनाप्रमाणे...